Sifarişçi tərəf Marcom şirkətinin saytı üzərindən Media Xidmətlərinin tərkib hissəsi olan Foto çəkiliş üzrə müvafiq brif formasını doldurur;

Marcom şirkəti daxil olmuş brif əsasında məlumatların doğruluğunu yoxlayır və təqdim olunmuş məlumatlar əsasında qiymət təklifi hazırlayaraq göndərir;

Təqdim olunmuş qiymət təklifi yazılı şəkildə təsdiqləndikdən sonra Sifarişçi müqavilənin rekvizitlərini (müqaviləni imzalayacaq şəxsin ad və soyadı, şirkətin rəsmi adı, bank hesab məlumatları) Marcom şirkətinə göndərir;

Razılaşdırılmış məbləğin 50%-i hesaba daxil olduqdan sonra göndərilmiş məlumatlar əsasında əvvəlcədən razılaşdırılmış tarixdə və məkanda foto çəkilişlər həyata keçirilir;

Foto çəkilişlər bitdikdən sonra sifariş zamanı çəkilmiş bütün şəkillər Sifarişçi tərəfə göndərilir;

Sifarişçi tərəf öz növbəsində bəyəndiyi şəkilləri seçərək emal olunması üçünMarcom şirkətinə göndərir;

Razılaşdırılmış məbləğin digər 50% Marcom şirkətinə ödənildikdən sonra Sifarişçi tərəfindən seçilib göndərilmiş şəkillər emal olunaraq Sifarişçi tərəfə göndərilir.