Müştərilərin istəklərinə uyğun həll yolları təqdim edən Marcom Marketinq və Kommunikasiyalar şirkəti Dövlət Dəniz Agentliyinin rəsmi saytı üzrə işləri uğurla yekunlaşdırdı.
İstifadəçilər üçün rahat interfeys
Əvvəlki ağır interfeysdən fərqli olaraq yeni saytda istifadəçilərə lazım ola biləcək birinci dərəcəli məlumatlar ön plana çəkilmişdir. İstifadəçilərin internetə daha çox mobil cihazlar vasitəsilə daxil olduqlarını nəzərə alaraq, sayt bütün mobil cihazlara adaptasiya edilmişdir.
Özəl proqramlaşdırma və google indeksasiyası
Saytın proqramlaşdırılması zamanı hər hansı bir hazır proqramlaşdırma kodlarında istifadə edilməmişdir. Google axtarış sisteminin indeksləməsi üçün saytın bütün URL strukturları qurulmuş, meta teqlər meta “descriptionlar” yerləşdirilmiş, sitemap.xml, robots.txt faylları əlavə edilmişdir. Saytda olan müraciət formalarını kütləvi SPAM məktublarının hücumundan qorunmaq üçün xüsusi təhlükəsizlik kodları əlavə edilmişdir. Bütün bunlarla yanaşı saytın rahat açılması üçün əvvəlki saytda olan bütün “flaş” elementləri ləğv edilmişdir.
İdarəetmədə tam rahatlıq və təhlükəsizlik
Saytın admin panel tərəfində saytı idarə edəcək şəxs üçün geniş imkanlar yaradılmışdır. Saytı idarə edəcək şəxs Marcom şirkətinin hər hansı bir dəstəyi olmadan da sayt üzrə istədiyi dəyişikliyi sərbəst şəkildə həyata keçirə biləcək. Bu dəyişikliklərə istənilən səhifənin aktiv və ya deaktiv edilməsi, yeni səhifələrin yaradılması, yeni məlumatların əlavə edilməsi, saytda əlavə dillərin yaradılması və həmin dillər üzrə sayt məlumatlarının doldurulması, SEO (Search Engine Optimization) sisteminin idarə edilməsi, saytın eyni anda bir neçə şəxs tərəfindən idarə edilməsi və s. kimi imkanlar yaradılmışdır. Sayt XDMX-nin Kompüter İnsidentlərinə qarşı Mübarizə Mərkəzinin yoxlanışından da uğurla keçmişdir.
KİV üçün bölmə
Şirkət, Dəniz Administrasiyasının saytında media nümayəndələri üçün xüsusi “KİV üçün” bölməsi yaratmışdır. Bu bölməyə daxil olanlar administrasiyanın bir neçə variantda təqdim olunmuş korporativ loqolarını, eləcədə də administrasiyadan müəyyən görüntülərin yüksək keyfiyyətli şəkil və videolarını öz məlumatlarında istifadə etmək üçün yükləyə bilərlər.
Qeyd edək ki, Marcom şirkəti müştərilərinə müxtəlif təyinatlı internet səhifələrin yığılması, qrafik dizayn işləri, PR xidməti, foto/video çəkilişlər, Media yerləşdirmə, rəqəmsal marketinq strategiyalarının hazırlanması, SEO analiz, SMM və s. kimi xidmətləri təklif edir.